لعبة صراحة

اكيد كل واحد فينا جت علية لحظة كدب و جت علية لحظة اتكلم بصدق

لعبتنا النهاردة بتعتمد ع الصراحة
والصراحة دي شئ مهم اوي لازم يكون طبع اساسي في كل واحد
مش حطول عليكوا
انا جبتلكوا لعبة يا رب تعجبكم
اللعبة هي ان كل واحد يدخل يسال سؤال و اللي يدخل بعدة يجاوب بصراحةولو مش عاوز يجاوب يقول ((داش)) بس مش يكدب
يا رب اللعبة تعجبكم

السلام عليكم ورحمة الله وبركاته
وانا هرد أول واحد علي السؤال دا ؟
بصراحة اكتر وقت كنت فرحان فيه يوم نتيجة الثانوية العامة سنة 3 وكنت جايب مجموع كويس اوي وبجد دي اجمل فرحة في حياتي لحد دلوقتي
ونايس لعبة يا جميل وننتظر المزيد
sasa_m2008

السلام عليكم ورحمة الله وبركاته
بس كده دا انتي تؤمري بس ؟


سؤال جامد بقه ؟

جريمة لم تفعلها ولكنك تود أن تفعلها
sasa_m2008

انا بحس بكدا كتير لاني بعيط من غير لازمة
يعني فرحانة اعيط زعلانة اعيط
السؤال امممممممممممممم
اول حب في حياتك ندمان انك حبيتة ولا سعيد و فخور بية؟

السلام عليكم ورحمة الله وبركاته
ازيكم يا جماعه اخباركم ايه منورين واله ويارب تكوناوا بخير كلكم
انا هرد علي السؤال بتاعك يا ميمي بس رد كده يعني
no comment
sasa_m2008

السلام عليكم ورحمة الله وبركاته
ازيكم ياجماعه اخباركم اي يا رب تكونوا بخير انا طبعا لازم ارد علي السؤال ؟
طبعا يا ميمي هو سؤال كويس بس في حاجه لازم الواحد يتصرف في الموقف دا بصورة دبلوماسية علشان ما ياخدش قرار ويرجع يندم عليه طبعا انا صاحبي عمره ما هيخوني مع حبيبتي ودا اكيد حبيبتي عمرها ما هتخوني مع صاحبي وفي الحالة دي انا هروح واعرف هما واقفين مع بعضيهم ليه وابقي بعد كده اخد القرار
يا رب الرد يعجبكم


الصؤال بقه : كنت في مؤتمر صحفي وقالوا لك مين اكثر واحد تحبه في المنتدي ؟
ودائما في المقدمة
sasa_m2008

اكتر حاجة تفرحني لما احس ان عملت حاجة و كل اللي حوالية اتبسطوا بيها
واكتر حاجة تزعلني الخيانة بكل انواعها
سؤالي
اكتر حاجة بتحبها في الدنيا اية ؟؟؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته
ارد علي السؤال دا
بصراحة اكتر واحد بحتجله هو واحد صاحبي ومش صاحبي بس دا اكتر من أخويا
السؤال بيقول

أمنية تمنيت تحقيقها ولكن لم تستطع تحقيقها ؟
صاصا ام 2008

هههههههههههههههههههههههههههههه
انا حدعيلك
يا رب يحس يا مدي
السؤال
اية اللي عملتوا في حياتك وندمان علية ؟؟؟؟؟؟؟؟؟؟؟؟؟؟

السلام عليكم ورحمة الله وبركاته
اللي انا عملته في حياتي وندمان عليه هو اني دخلت قسم تاريخ السنة اللي فاتت وطبعا دبلرت بس الحمد لله نصيبي



السؤال :
- تجلي في البيت وحدك تفكر في أمور عديدة فدق جرس الباب ؟؟؟؟؟ من تتمني أن يكون علي الباب ؟؟؟؟؟
sasa_m2008

السلام عليكم ورحمة الله وبركاته
الاول بصراحه ردك علي السؤال مش لذيذ يعني بس ما علينا
الرد علي سؤالك :
اخد معايا سهر وماستر لوف وكاسبر واغرق انا

السؤال :
تعمل ايه لو حاولت تساعد واحده انها تخرج من ازمة أو من مشكلة وهي حبتك واعترفتلك بس انت ما كانش في نيتك انك تحبها وكان نيتك عمل الخير وانت اصغر منها في السن وهي ما تعرفش
بس يا ريت يكون الرد مقنع وكويس

sasa_m2008
MOSTAFA BEDEER
DR IN AFFAIRS
دائما في المقدمة يا اغلي منتدي

اولا ميرسي خالص يا مصطفى باشا انك انقذتني
ثانيا اية الحلاوة دي
ثالثا انا لو مكانك ححاول افهمها الحقيقة و افهمها انها حبتني لانى انا اللي وقفت معاها في وقت كانت محتاجة حد يقف معاها فية فهي اكيد اتعلقت بيك نتيجة لقربك منها اوي لقترة معينة ولو مش اقتنعت حاول تبعد عنها او خلي العلاقة بينكوا متبقاش قوية اوي هي اكيد حتتعب بس هو لازم كدة عشان مصلحتها
رابعا سؤالي
اية اخر حلم حلمت بية وانت نايم ؟؟؟؟؟؟؟؟؟؟؟؟

السلام عليكم ورحمة الله وبركاته
أولا شكرا أوي علي ردودك الجميلة أوي
ثانيا نايس اجابة يا ريت كل عضو يجاوب كويس كده
ثالثا بقه الإجابة :
أخر حلم حلمته اني كنت في خطوبة واحد صاحبي بس غالي عليا أوي وكنت عامل شغل تمام
عقبالك يا ماستر كده اما نفرحوا بيك وعقبالك يا سهر

رابعا بقه السؤال بتاعي :
أخر مرة قولت بحبك كانت لمين وأمتي وهل كانت بصدق ولا ترضية خاطر

sasa_m2008

السلام عليكم ورحمة الله وبركاته
أولا الله يخليك يا ماستر يا رب وان شاء الله هتنجح وكلنا هننجح ان شاء الله وأهم حاجة بقه برنسيس سهر ثانوية عامة بقه يا ماستر وانت فاهم ما احنا مجربيين
ثانيا " ودي الأهم اهلا وسهلا بيكي يا مدي الحياة فعلا هي جات متأخرة شوية بس معلش ويا رب تكوني مبسوطة معانا وبنرحب بردو ببسكوتة ولونها ما شاركتش في ولا موضوع بس ندعيلها أنها تشارك معانا ان شاء الله
ثالثا بقه ودي للبرنسيس يعني انتي قولتي فين السؤال وما سألتيش أمان يا ربي أمان
أسأل انا بقه وأمري لله :


والله يا جماعة انا السؤال دا سؤلت فيه وجاوبت بس مش عارف اذا كان في حد ممكن انه يبقي زي رأي ولا لآ عموما السؤال بيقول
(( هل الحب أعمي ؟ ولماذا ))
يا ريت كله يرد علي السؤال دا
أسف لو طولت عليكم
تقبلو تحياتي
sasa_m2008

السلام عليكم ورحمة الله وبركاته
أولا انا بشكرك علي ردك طبعا
ثانيا دي أراء وأكيد لازم نحترم أراء الجميع وأهم حاجة ان كل واحد يكون مقتنع برأيه في الاول والأخر
ثالثا بقه بصراحة هو راي كويس وجميل اوي وهو قريب من الرد اللي انا قولته بس في جزء يعني كده انه بيبقي خطر علي البنت بصي يا أمنية كل واحد فينا سواء كان ولد أو بنت ربنا اداله عقل يفكر بيه وأكيد كل واحد قبل ما بياخد اي خطوة في حياته لازم يفكر فيها كويس
وجزء انه بيشوف كل حاجة حلوة مش كله علي كده وأهم حاجة ان الانسان يشوف العيوب قبل المميزات علشان يحاول انه يصلحها
يا رب كلامي يعجبكم

سوري بقه انا بقيت بطول عليكم بس الكلام كتير وانتوا عارفين
SASA_M2008

السلام عليكم ورحمة الله وبركاته

أولا هرد علي سهر الأول يا محمد دي فعلا المشكلة ان كل بنت بتفكر بقلبها مش بعقلها ودي تعبتر أهم مشكلة ممكن تبقي موجوده
وثانيا ارد عليك يا محمد أكيد طبعا بتبقي فرتة التعارف الاولي فيها اللي بتقوله دا لكن بردو كل واحد بيحاول انه يشوف كل حاجة حلوة ويسيب اي حاجة وحشة علشان هو عايز الواحدة دي أو هي عايزة الواحد دا

ثالثا بقه ردي علي سؤالك

يو ما دخلت الكلية ودخلت قسم تاريخ

sasa_m2008

السلام عليكم ورحمة الله وبركاته

ربنا معانا كلنا يا رب بس انا حولت قسم اجتماع علي فكره

اأول مره حبيت فيها كنت في 3 اعدادي بس كان حب طفولي لذيذ أووووووووووووووووووووووووي يا ريت يتكرر والله
نايس سؤال يا جميل

وانا هسأل سؤال بقه يا رب يعجبكم


مواصفات فتي أحلامك أو فتاة احلامك بس بصدق بلييييييييييز

السلام عليكم ورحمة الله وبركاته

الاول شكرا علي ردودكم الشيقه دي ويا رب نستمر ع كده

بصي يا برنسيس الرد علي السؤال دا بسيط جدا "
الشكل ممكن يتغير لكن الأخلاق من الصعب انها تتغير والبنت برأي يعني مش بالجمال الخارجي لا الجمال جمال الروح أولا وجمال الاحساس واهم حاجة انها تكون بتعرف وتقدر معني الحب

وانا لو اتحطت في الوضع دا أكيد هختار اللي عندها اخلاق طبعا ومن غير تردد
يا رب رأي يعجبكم

سؤالي :
- لو اتعرفت علي انسانة بس كنتوا متفقين م الاول انكم اخوات ولا شيء غير كده وطبعا كان الكلام بينكم كتير اوي لدرجة انه ممكن يستمر لساعات وفجأة حبيتها بس مش قادر تعترفلها علشان ممكن ترفض مع العلم انك حاسس انه في حب لكن مفيش اعتراف وخايف انك تعترف ليهاوترفض وف الاخر تخسر كل حاجة ؟
يا ريت كله يرد علي السؤال بس بصدق وبجدشوية ؟

sasa_m2008

السلام عليكم ورحمة الله وبركاته
ازيكم يا ناس اخباركم ايه يا رب تكونوا بخير
شكرا علي ردك يا برنسيس

وسؤالك جامد أوي
أولا : العين سبب أول طبعا لان انت بتشوف اللي هتحبه الاول وبعدين بعد كده بتشوفه بقلبك وتشوفه بقلبك يعني تشوف احاسيسه ومشاعره وعواطفة
بس ما يمنعش بردو انك ممكن تحب واحد انت ما شفتهوش والدليل علي كده ان الواحد ممكن يعجب بواحده من خلال كلامها بس ممكن ما يشفهاش لكن اتكلم معاه كتير وعرف مدي احاسيسها ومشاعرها الجامدة

يا رب رأي يعجبكم
sasa_)m2008

لو انت متاكد انها نسيتة ومش بتفكر فية وان انت اللي ملكت حياتها
يبقا لية لا
سؤالي
اية اللي عاوز تعملة و خايف انك تعملة ؟؟؟؟؟؟؟؟؟؟؟؟؟؟؟؟

مــــــــــــــــــــــــــــــــاشي يا شريف
بتسرق افكاري
فين سؤالك يا شريف ؟؟؟؟؟؟؟؟؟